Aartappelworsies

Skil, kook en mash 4-6 medium aartappels.

Voeg vars, fyn gesnipperde pietersielie by die gemashte aartappels.

Verhit 6 Weense- of varkworsies.

Fatsoeneer kapok-aartappels om elke worsie sodat die punte nog uitsteek.

Smeer spekrepe (streaky bacon) dun met tamatiesous.

Vou die spekrepe om die aartappel-bedekte worsie.

Plaas op 'n draadrakkie in 'n bakplaat met die omvoukant na onder.

Verf gesmelte botter bo-oor.

Bak in 'n voorafverhitte oond teen 180 °C totdat die spekvleis begin verbruin.