Grenadella Likeur
Likeur wat ons op 9 Junie 2005 gemaak het. Getrek vanaf 4 Mei 2005.
Bestanddele
Metode
Sny die grenadellas middeldeur en skep die pulp uit.
Plaas die grenadellapulp en gerasperde suurlemoenskil in 'n skoon, droë glasfles met 'n deksel wat dig sluit.
Voeg die wodka by, maak toe en laat trek 1 maand lank by kamertemperatuur. Skud daagliks.
Syg die mengsel eers deur 'n plastiese/vlekvrye sif en dan deur 2 lae fyn kaasdoek.
Meng die suiker en water in 'n vlekvrye staal-kastrol en verhit by lae temperatuur totdat die suiker opgelos is.
Verhit dan tot kookpunt en kook 17 minute lank.
Haal die stroop van die stoof af en laat afkoel.
Voeg die gegeurde wodka by die koue stroop en roer goed.
Gooi die likeur in 'n droë gesteriliseerde bottel, sit die prop op, verseël en etiketteer.
Bêre minstens 1 week.
Gebruik die pers variëteit grenadella waarvan die geur sterker is. Groter hoeveelheid wat ons gemaak het (9 Junie 2005): 10 bottels (750 ml) mampoer, bevrore guavadellas, 2 x 5 liter-glasbottels met skroefdeksels (wye bekke). Stroop: drie vlekvrye staal kastrolle met inhoudsmaat van 5 liter elk, 10 koppies water in elk, 10 koppies suiker in elk. Lewer ± 17 liter likeur. Gebruik binne 'n paar maande op.