Beetslaaivorm

Kook 3 middelmatige of 5 jong bete vir 25 minute in 'n stoompot.

Behou die kookvloeistof en gooi dit deur 'n sif.

Gebruik 1½ koppie van die kokende vloeistof waarin die beet gekook het.

Los 1 pakkie rooi jelliepoeier en 1 teelepel gelatien in die warm vloeistof op.

Rasper die gaar beet en voeg by die jelliemengsel.

Voeg ¼ koppie asyn asook sout en peper na smaak by.

Gooi die mengsel in 'n nat vorm en plaas in die yskas om te stol.

Rangskik gekerfde slaaiblare op die rand van 'n ronde opdienbord.

Ontvorm die beetslaai en skuif dit versigtig oor na die bord.

Laat 'n bietjie mayonnaise oneweredig oor die top loop en strooi 'n paar bevrore ertjies oor vir garnering.