Heel Vye Konfyt

Prik die heel vye deeglik met 'n vurk of naald.

Kook die vye vir ± 10 minute in water. Skep hulle uit en hou eenkant.

Maak die stroop: Bring 1½ kg suiker en 10–12 koppies water tot kookpunt in 'n groot pot.

Sit die vye stadig in die kokende stroop.

Kook matig vinnig vir ± 2 ure. Let op dat heel vye baie water verloor en nogal lank kook.

Skep die konfyt in gesteriliseerde flesse en verseël.