Ingelegde Geelperskes

Gebruik 1 deel suiker en 2 dele water vir stroop (vir suurvrugte gelyke dele; vir baie soet vrugte 'n dun stroop).

Kook die water en suiker saam tot die suiker heeltemal opgelos is.

Verhit die stroop tot kookpunt.

Sit die geelperskes geleidelik in die stroop en kook tot net sag — toets sagtheid met die agterkant van 'n vuurhoutjie.

Pak die vrugte vinnig in gesteriliseerde flesse en vul tot oorlopens toe met die kokende stroop.

Verwyder lugblasies deur 'n gesteriliseerde tafelmes versigtig langs die vrugte af te druk.

Verseël die bottels onmiddellik.