Ingelegde Turksvye

Maak kalkoplossing deur 25 ml gebluste kalk per 5 liter water te roer.

Skil die turksvye en laat heel. Weeg en prik die vrugte deeglik.

Laat die vrugte oornag in die kalkwater lê.

Spoel die vrugte deeglik in vars water af.

Los die suiker op in die water oor matige hitte om 'n stroop te maak.

Voeg die suurlemoensap by en bring tot kookpunt.

Plaas die vrugte in die kokende stroop en kook, sonder deksel, tot die vrugte deurskynend en die stroop dik is.

Pak die vrugte in warm, droë gesteriliseerde bottels, vul met die stroop en verseël dadelik.