Reseptaal

Ingemaakte Sousbone

Huisgenoot 3 Desember 1992

Verkieslik as 'n slaai maar kan ook warm bedien word.

Bestanddele

500 g

rooi spikkel- of nierbone

400-500 ml wit druiwe-asyn

600 g

witsuiker

5-7 ml sout

50 ml

mielieblom aangemaak met 'n bietjie water tot 'n pasta

Soek bone uit vir klippies en enige onsuiwerhede.

Week bone oornag in koue water, óf bedek met kookwater, kook sowat 2 minute lank en week daarna vir 1 uur.

Giet weekwater af en giet skoon water oor, genoeg om die bone te bedek.

Kook tot bone sag is en giet enige oorblywende water af.

Voeg die wit druiwe-asyn, witsuiker, sout en aangemaakte mielieblom by en kook tot die mengsel effens verdik het en goed deurgekook is.

Skep warm in gesteriliseerde flesse. Lewer 1,5 liter sousbone.

✨ Tienie Sê

Wenk: Moet nooit sout of asyn by droë bone voeg as dit nog nie sag gekook is nie - dan sal dit nooit sag kook nie.

Graderings

Gee 'n telling: