Kumkwatkonfyt

Vorige aand: Was die kumkwats deeglik en prik dit met 'n hoedespeld.

Bedek die vrugte met water (6 koppies) en laat oornag staan.

Volgende oggend: Kook die vrugte in dieselfde water tot hulle sag is.

Dreineer die vrugte.

Stroop: Verhit die stroop-bestanddele (2,25 liter water, 3 kg suiker en 3 knippies sout) en bring geleidelik tot kookpunt.

Laat die stroop net-net kook.

Sit die vrugte geleidelik in die kokende stroop en kook tot die vrugte helder is en die stroop dik is (ongeveer 1½ tot 1 uur 45 minute).

Doen die pieringtoets om te bevestig die konfyt is gereed.

Pak die konfyt in warm gesteriliseerde flesse en bedek heeltemal met kokende stroop.

Verseël onmiddellik.