Soetlemoenmarmelade

Was die vrugte deeglik.

Skil die vrugte dun af en hou die skille eenkant.

Verwyder alle wit gedeeltes (die wit murg) en gooi dit weg — dit maak die konfyt bitter.

Sny die skille en vrugte baie fyn met 'n Stanley mes.

Verwyder die pitte en hou dit eenkant.

Week die pitte apart in 250 ml koue water.

Meet die gesnyde vrugte en voeg 625 ml (2½ koppie) koue water by vir elke 250 ml vrugte.

Laat die vrugte oornag week en voeg dan die water waarin die pitte geweek het by.

Kook die mengsel tot die stukkies vrugte sag is.

Doen die pektientoets en voltooi die kookproses soos beskryf by die algemene metode op bl. 214.