🔑 Teken in om resepte te stoor, in te dien of te wysig
Familie-lede kan ook bestaande resepte wysig.
Aspersietert
Marié se kors, my eie witsous en Colleen se vulsel. Vgl. Colleen van Staden Aspersietert in "Spyse uit Paleise" bl. 3.
Bestanddele
Metode
Kors: Meng die koekmeel, gerasperde kaas, rooipeper en margerien saam tot 'n krummelkors.
Druk ¾ van die krummelkors in drie tertborde vas.
Hou ¼ van die kors apart om later oor die vulsel te strooi.
Vulsel en witsous: Vul die aspersiewater aan met melk indien nodig om genoeg vloeistof te hê.
Maak 'n witsous deur die margerien te smelt, die koekmeel by te voeg en die aspersiewater geleidelik in te roer tot glad en dik.
Geur met sout, peper en Mixed Herbs indien verkies.
Gooi die helfte van die witsous in die tertdoppe.
Verdeel die gesnipperde aspersies en gerasperde Cheddar kaas oor die witsous in die tertdoppe.
Bedek met die res van die witsous en strooi die gebraaide broodkrummels oor.
Strooi die gereserveerde ¼ kors oor die vulsel.
Bak 20 minute by 180 °C tot goudbruin en gaar.
Marié se kors, my eie witsous en Colleen se vulsel. Vergelyk Colleen van Staden Aspersietert in "Spyse uit Paleise" bl. 3.