Beespens

Gebruik verkieslik 'n pens wat nog half-warm is.

Plaas die pens in 'n plastiese emmer en bedek met water.

Voeg 2–3 eetlepels gebluste kalk by en week vir ±3 ure of oornag — maar nie te lank nie, anders word die pens slymerig.

Krap die pens skoon met 'n mes en sny slordige randjies af.

Hang op om winddroog te word — nie te lank nie, anders verkleur die pens na bruin.

Sny die pens in stukkies. Vries in kleiner houers (bv. 1 kg margerien-bakke) of kook dadelik.

Stoom die penstukkies vir 5 minute in 'n stoompot. Gooi die water af en spoel die pens af.

Stoom weer vir ±35 minute saam met sout, suurlemoenpeper, 'n takkie pietersielie, kerriepoeier, masala, asyn, borrie, gemmer, uie, lourierblare en kruienaeltjies.

Verwyder die deksel.

Haal die lourierblare en kruienaeltjies uit.

Voeg die klein aartappeltjies by en kook tot net sag.

Maak 'n pasta van 2 eetlepels koekmeel en 1 teelepel suiker. Voeg by die pot om die sous te verdik.

Meng die gaar pens en aartappeltjies met die gaar skaapskenkels en -lies. Sit voor.