Kerrierys

Soteer 1 ui en 1 groen soetrissie in botter/margerien in 'n elektriese braaipan.

Gebruik nie olie of 'Smeer/Spread' nie.

Kook 2 koppies rys apart.

Voeg by die uiemengsel: ½ teelepel kerriepoeier, knippie masala, ¼ teelepel gemaalde koljander en 1 gelyk teelepel paprika.

Braai die mengsel nog 'n bietjie sodat die speserye kan ontwikkel.

Mikrogolf 500 g 'Stir Fry' of 'Mixed Vegetables' vir 15 minute met die deksel op.

Geen water nodig nie.

Voeg die gaar groente by die uie-en-speserymengsel in die braaipan.

Prut en roer-braai sodat die speserye goed deurtrek.

Meng genoeg gekookte rys liggies by met twee vurke — moet nie 'n pap word nie.

Bedien warm.