Koeksisters

Berei die stroop die vorige dag: Kook suiker en water vir 20 minute. Haal van die plaat af.

Voeg kremetart en sout by die stroop. Bêre in die vrieskas totdat dit yskoud is.

Vir die deeg: Sif koekmeel, bakpoeier en sout saam in 'n groot bak.

Vryf die botter/margerien in die droë bestanddele in.

Klits die eiers en melk saam en voeg by die droë bestanddele. Meng goed.

Knie die deeg vir 15 minute of langer totdat dit glad en elasties is.

Laat die deeg 1 uur rus op die toonbank (nie in die yskas nie).

Keer 'n plastiese skotteltjie oor die deeg om dit toe te maak.

Smeer die werkoppervlak liggies met olie en smeer ook die koekroller liggies.

Sny 'n reep deeg uit die skottel en maak die res van die deeg weer toe.

Druk die reep effens plat met jou hande en rol baie liggies uit — nie te dun nie.

Die reep moet ongeveer 5 cm breed wees.

Sny strokies dwars van die reep af, soos snye brood.

Rek elke strokie effens uit, draai dit op (wen op) en twist dit. Druk die punte goed vas.

Verhit diepvet in 'n kastrol op stoofplaatvlak 6 (heeltyd).

Roer die koeksisters heeltyd in die warm olie terwyl hulle bak.

Skep die gebakte koeksisters uit met 'n oliesif (soos vir chips) wat in die kastrol of pot pas.

Dompel die warm koeksisters vinnig onder in die yyskoue stroop met 'n stamper.

Hou 'n paar sekondes daarin voor jy dit uithaal.