Sjokoladekoek (As nagereg vir ± 40 persone)

Bak 4 sjokoladekoeke, elk die grootte van 'n klein bordjie, sodat jy in totaal 8 lae het.

Sorg dat die boonste lae effens hoogrond bo is. Plaas elke koek op 'n klein bordjie.

Smeer 'n vulsel van jou keuse tussen die lae van elke koek.

Maak die versiersel: smelt 1 plak (100 g) donker sjokolade saam met 60 ml room vir elke koek.

Verhit vir twee minute teen 50% krag in die mikrogolf, roer goed, en herhaal nog een of twee keer totdat die sjokolade lekker gesmelt is — moet nie vasbrand nie.

Smeer die sjokoladeversiersel vinnig oor die hele koek.

Plaas 'n takkie van 3 blaartjies kruisement bo in die middel van elke koek.

Bedien met roomys in nageregbakkies.