Sjokoladekoek (Christine en Sophia)

Skei die eiers en plaas die eierwitte in die yskas.

Sif die droë bestanddele (koekmeel, bakpoeier, kakao en sout) vier maal saam.

Klits die eiergele en voeg die vanilla, kookolie en warm water by. Klits goed.

Voeg die droë bestanddele geleidelik by die eiergeel-mengsel terwyl jy aanhoudend klits.

Klits die eierwitte styf en voeg dit by die mengsel terwyl jy voortdurend klits.

Bespuit twee koekpanne (22 cm deursnee, 6½ cm diep) met Spray en Cook, voer uit met waspapier en bespuit weer met Spray en Cook.

Verdeel die beslag gelyk tussen die twee koekpanne.

Bak presies 30 minute by 180 °C op die middelste oondrakkie.

Laat die koeke afkoel, sny dan elke laag horisontaal in twee sodat jy vier lae in totaal het.

Smeer gekookte kondensmelk tussen die lae en versier die koek na smaak.