Lewer in Netvet (Skilpadjies)

Meng die skaaplewer, skaaplies, ui, druiwe-asyn, eier en broodkrummels saam tot 'n gladde mengsel.

Skep gedeeltes van die mengsel op stukkies van die netvet.

Vou die netvet in bondeltjies om die vulsel en steek met 'n tandestokkie vas.

Pak die bondeltjies in 'n roosterpan.

Strooi gerasperde neut oor die bondeltjies.

Bak by matige hitte vir 40–50 minute tot die vloeistof helder is. Moenie te lank bak nie.