Mieliepaptert

Kook 1,5 liter van die water in 'n groot kastrol.

Meng die meel met die 500 ml koue water en voeg by die kokende water.

Roer goed sodat geen klonte vorm nie.

Verlaag die hitte en laat prut sowat 30–40 minute. Laat afkoel.

Vulsel: Verhit 'n bietjie olie in 'n pan en braai die spekvleis daarin. (As die bacon genoeg vet aan het, is die olie nie nodig nie.) Haal uit, dreineer op kombuispapier en hou eenkant.

Soteer die ui in dieselfde pan tot deurskynend en gaar.

Voeg olie by indien nodig.

Skep uit en hou by die spekvleis.

Soteer die sampioene in dieselfde pan en geur met sout en peper.

Voeg die tamaties by en geur met die suiker, blatjang en appelkooskonfyt. Verdik met mielieblom.

Voeg al die ander gaar bestanddele by en geur met ekstra sout en peper indien nodig.

Skep 'n laag pap in 'n tert- of pasteibak, gevolg deur 'n laag vulsel. (Die pap moet afgekoel wees voor die vulsel daarop geskep word.) Herhaal een keer.

Eindig met 'n laag pap.

Kaassous: Smelt die margerien/botter.

Roer die meel en geurmiddels by.

Roer die melk geleidelik by en laat kook tot dik en glad.

Kook nog 3 minute.

Verwyder van hitte en voeg die gerasperde kaas by. Roer tot gesmelt.

Skep die kaassous oor die paptert en bak sowat 45 minute tot goudbruin in 'n voorverhitte oond by 180 °C.