Rooibokboud / Koedoe Roast

Varkspek: Gebruik bevrore spekrepe (nie bacon nie) en week dit in sout, asyn, knoffel, olie, suurlemoenpeper en 6–8 naeltjies (tel dit).

Plaas 'n ruk in die yskas.

Marinade: Meng 1–1½ koppie asyn, 2 eetlepels Worcestersous, 2 eetlepels appelkooskonfyt en 2 eetlepels olie.

Gooi in 'n groterige glas of vlekvrye staal kasserol met deksel.

Boud: Stop die boud met die geweekte spek — gooi eers elke keer van die mengsel in die gaatjie, dan die spek.

Meng in 'n bakkie: 'n handvol bruinsuiker, koljander, growwe swartpeper of suurlemoenpeper en enige ander speserye, bv. Mixed Herbs.

Vryf die boud hiermee in.

Plaas die boud in die marinade in die kasserol.

Marineer in die yskas vir drie dae en draai 2 keer per dag om.

Bak: Strooi growwe sout oor die boud. Bak vir ±1 uur op 180°C, dan verlaag na 120°C vir nog ±2 ure.

Verwyder die deksel. Smeer 2 teelepels appelkooskonfyt oor die boud. Bak so oop tot mooi bruin.

Verwyder die naeltjies (tel dit). Dreineer die sous en verdik met maizena.