Sousboontjies

Soek die bone uit en kyk vir klippies, al is dit gekoopte bone.

Laat die bone oornag in die yskas week.

Dreineer en spoel die bone.

Stoom die bone 20 minute in 'n stoompot in genoeg water — nie te veel sodat die stoompot ontplof nie.

Let op vir droogkook.

Dreineer die bone weer. Boontjies moet uiters sag wees, want asyn maak dit weer harder.

Voeg die asyn en suiker by die bone.

Meng die maizena-poeier met 'n bietjie koue water en gebruik dit om die mengsel te verdik.

Voeg mostertpoeier by indien verkies.

Prut tot gaar maar nie droog nie.

Bedien warm of koud.