Eiervrug in Beslag

Skil en sny die eiervrugte in skywe.

Pak uit op 'n deegplank en bestrooi met sout sodat dit water kan trek.

Laat ± 10 minute staan.

Draai die skywe om, strooi weer sout en laat staan vir nog ± 10 minute.

Spoel die skywe in 'n vergiettes onder lopende water en druk droog met 'n skoon doek.

Maak die beslag: Breek 3 eiers in 'n 500 ml maatkoppie en vul aan met melk tot 200 ml.

Klits met 'n draadklopper (whisk).

Voeg 1 hoogvol maatkoppie koekmeel asook sout en peper by en meng tot 'n slapperige deeg.

Gooi kookolie sowat 1 cm diep in 'n Bauer-pan en verhit oor medium hitte.

Doop elke skyfie in die beslag en laat die ergste deeg afloop.

Sit versigtig in die medium warm olie.

Bak tot goudbruin en gaar aan weerskante. (Indien die olie té warm is, brand dit; indien té koud, absorbeer dit te veel olie.)

Voer 'n vleisbord uit met 'n dubbellaag kombuispapier en dreineer die gebakte eiervrug daarop.

Bedien louwarm.