Maklike Handtertjies

Sif die bruismeel en sout saam.

Vryf die botter in totdat die mengsel soos fyn broodkrummels lyk.

Voeg die room by en maak dit aan tot rolbare deeg.

Klits die eier en melk saam vir die eierwas en hou eenkant.

Rol bietjies-bietjies van die deeg dun uit op 'n meelbestrooide oppervlak.

Druk sirkels van 8 cm in deursnee af (gebruik 'n tunablikkie met gaatjie in bodem vir lug om te ontsnap).

Maak sirkels los met eierspaan. Maak die rand van elke sirkel klam met 'n bietjie suikerwater.

Vermeng die appelkooskonfyt en koekmeelblom goed.

Gebruik 'n 1 ml-maatlepeltjie en skep 'n klontjie van die konfytmengsel in die middel van elke deegsirkel.

Vou die deeg toe in 'n halfmaantjie en verseël die rand deur effens met 'n vurk daarop te druk.

Plaas die tertjies op 'n gesmeerde bakplaat en bestryk dit met die eiermengsel.

Druk 'n gaatjie bo-in met 'n tandestokkie.

Bak 10 minute lank op die middelste oondrak in 'n voorverhitte oond by 200 °C.

Laat die tertjies effens afkoel op die bakplaat voordat dit op 'n afkoelrak geplaas word om heeltemal af te koel.