Marmite-tert

Stel oond op 200 °C. Plaas draadrak op die middelste rakkie.

Bespuit of smeer 'n vuurvaste bak van 15 cm x 20 cm.

Sif koekmeel, bakpoeier en sout saam.

Smelt die 200 g margerien en voeg die droë bestanddele by.

Klits eiers en melk saam en voeg by laasgenoemde mengsel.

Roer die gerasperde Cheddar kaas by.

Skep die mengsel in die gesmeerde bak en bak vir 15 minute by 200 °C.

Smelt die 60 ml margerien saam met die Marmite.

Sodra die koek uit die oond kom, gooi die Marmite-mengsel oor.

Strooi desgewens 'n klein bietjie fyngerasperde kaas bo-oor. Bedien warm.