Maroelajellie (Vallery)

Was die maroelas af en sny die punte af.

Sny in die rondte tot teen die pit, of sny 'n kruis bo-in elke maroela.

Gooi in 'n groot kastrol en bedek heel tot bo met water.

Bring tot kookpunt en kook vir ½ tot 1 uur.

Verwyder van die stoof en laat heeltemal afkoel.

Volgende dag: Gooi die mengsel af deur 'n dubbel doek om die filtraat te verkry.

Doen 'n pektientoets met spiritus — die filtraat moet 'n klontjie vorm. (Hoe groener die maroelas, hoe hoër die pektien-inhoud en hoe makliker sal dit stol.)

Meet die filtraat en gebruik gelyke dele suiker: koppie vir koppie, of 200 g suiker vir elke 250 ml filtraat.

Verhit die filtraat en suiker saam en roer stadig tot die suiker heeltemal opgelos is.

Syg die mengsel weer deur.

Bring tot kookpunt — moenie verder roer nadat dit begin kook het nie.

Kook vinnig vir 15–20 minute, OF sodra dit opkook tot teen die deksel, haal dadelik van die stoof af.

Roer 1 teelepel wynsteensuur by vir die hele pot.

Bottel die jellie terwyl dit nog warm is.

Berei nou die pitte voor vir Skaap-oë (afsonderlike resep).