🔑 Teken in om resepte te stoor, in te dien of te wysig
Familie-lede kan ook bestaande resepte wysig.
Reseptaal
Murgsagte Koedoegaring (Scotch Fillet)
Bestanddele
Scotch fillet van koedoe (na smaak, in 1 cm dik skywe gesny)
sout en peper na smaak
2–3 eiers
varsgemaalde swartpeper en sout na smaak
gegeurde meel (koekmeel, sout, peper, steak-en-chops-speserye en mosterdpoeier)
vlak olie vir braai
Metode
1
Moet gladnie vries nie!
2
Laat die Scotch fillet twee tot drie dae onder in die yskas lê om 'ryp' te word.
3
Sny die vleis in 1 cm dik skywe en strooi effens sout en peper oor.
4
Klits 2–3 eiers saam met varsgemaalde swartpeper en sout.
5
Laat die skywe vir 1 uur in die eiermengsel lê.
6
Berei die gegeurde meel voor deur koekmeel, sout, peper, steak-en-chops-speserye en mosterdpoeier te meng (hierdie mengsel behoort maar altyd in jou yskas te wees).
7
Verwyder die skywe uit die eiermengsel, doop elke skywe in die gegeurde meel en bak in vlak olie.
8
Draai slegs 1 maal om.
9
Die vleis moet nét gaar wees.
10
Bedien warm saam met aartappels of stywepap.
Graderings
Gee 'n telling: