🔑 Teken in om resepte te stoor, in te dien of te wysig
Familie-lede kan ook bestaande resepte wysig.
Ryp Tamatiekonfyt
Bestanddele
Metode
Ontvel tamaties deur 'n kruis bo in die skil te sny.
Doop die tamaties in kookwater en dan in koue water. Trek die skilletjies af.
Sny die tamaties stukkend.
Plaas die gesnyde tamaties in 'n pot.
Gebruik 1 kg suiker vir elke 1 kg tamaties.
Voeg 'n knippie gemmer (of heel gemmer) en 'n knippie sout by.
Kook eers stadig totdat die suiker gesmelt is, daarna matig vinnig. Moenie water byvoeg nie.
Kook tot die konfyt helder is. Skep die skuim af tydens kook.
Toets die konfyt deur 'n bietjie tussen voorvinger en duim te trek — dit moet 'n blink draadjie vorm.
Die konfyt moet blink borrels maak.
Haal dadelik van die hitte af wanneer gereed.
WENK: Tannie Hettie van Staden kook altyd 2 vyeblare saam met tamatiekonfyt vir 'n lekker geur. (Marico kook heel pruimtamaties)