Gevulde Butternut-helftes

Sny die boonste gedeelte van elke butternut in dwars skywe en vries rou vir latere gebruik.

Gebruik slegs die onderste 'kalbas-gedeelte'.

Krap die pitte skoon uit elke butternut-helfte.

Maak die roomsous: Prut al die roomsous-bestanddele (room, melk, tiemie, sout, pietersielie en lourierblaar) stadig saam tot geurig.

Verwyder die lourierblaar.

Plaas in elke pampoenhelfte, in volgorde: 'n stukkie toast, sampioene, gerasperde kaas, 'n strooiseltjie sout, en 1 - 2 eetlepels roomsous.

Bedek elke pampoenhelfte afsonderlik met foelie en pak hulle in 'n oondpan.

Bak vir ongeveer 1½ uur by 180°C.

Laat effens afkoel voor opdiening. Kan met die hand en 'n lepel of vurk geëet word.