🔑 Teken in om resepte te stoor, in te dien of te wysig
Familie-lede kan ook bestaande resepte wysig.
Glanspampoenskywe
Die lekkerste glanspampoenskywe maak 'n mens van 'n ryp boerpampoen - veral as dit 'n "wyfie" is, het die ou mense geglo. 'n Mens ken 'n "wyfie"-pampoen uit aan die groot sirkel aan die onderkant (teenoorgestelde kant van die stingel). Dis …
Bestanddele
Metode
Was die pampoen silwerskoon aangesien die skywe met die skil aan gaargemaak word.
Sny met 'n groot, skerp mes vir elke eter 'n skyf af volgens die kepe op die pampoen.
Sny die pitgedeelte van elke skyf uit.
Plaas die pampoenskywe op 'n snykant in 'n groot dikboompan met 'n deksel.
Strooi sout oor en voeg 'n bietjie kookwater by.
Sit die deksel op en kook die pampoenskywe tot sag en droog. (Kook dit teen die end sonder die deksel as daar nog baie vloeistof is.)
Plaas 'n paar klontjies botter tussen die pampoenskywe in die pan. Strooi witsuiker mildelik oor.
Laat die pampoenskywe stadig sonder 'n deksel in die smeer en suiker karamelliseer.
Draai die skywe versigtig met 'n spaan om sodat die ander kant ook kan karamelliseer.
Sit dit warm voor.
Ideaal om gedurende koue wintermaande op koolstoof te berei.