Kleurige Geurige Jellie

Maak die eerste 8 pakkies jellie (rooi, groen, oranje en geel) volgens die aanwysings op die pakkies aan en laat dit oornag in vlak vierkantige of langwerpige houers stol.

Moenie dit in die vrieskas sit nie — dit word soos 'crushed ice'!

Sny die gestolde jellie in blokkies.

Maak die 2 pakkies suurlemoenjellie aan met 450 ml kookwater.

Voeg die kondensmelk by, klits goed en laat die mengsel net effens afkoel.

Giet 'n bietjie van die kondensmelkmengsel onder in 'n groot, diep glasbak of milkshake-glase.

Rangskik die verskillende kleure jellieblokkies om die beurt met die kondensmelkmengsel in lae in die bak.

Wees versigtig dat die kondensmelkmengsel nie te warm is nie, anders smelt dit die jellieblokkies.

Eindig met 'n laag jellieblokkies en plaas die bakke terug in die yskas om te stol.

Die keer stol dit vinnig.

Voor opdiening: spuit geklitste room met behulp van 'n versierbuis bo-op elke glas en plaas 'n glanskersie met steeltjie en een blaartjie vars kruisement bo-op.