Makaroni en Kaas

Kook 250 g makaroni in genoeg water vir 10 minute in die mikrogolfoond op High. Dreineer.

Witsous (gebruik 'n 1-liter glas maatbeker): Kook 500 ml melk vir 5 minute in die mikrogolfoond op High.

Maak 3 eetlepels maizena en ½ gelyk teelepel mosterdpoeier aan met 'n bietjie koue water en voeg dit by die warm melk.

Mikrogolf vir 2 minute op Medium. Roer goed.

Mikrogolf weer vir 2 minute op Medium (50% krag).

Voeg 1 teelepel sout, 2 eetlepels margarien en peper by. Laat effens afkoel.

Klits 2 eiers by die sous in.

Voeg 1 eetlepel gerasperde ui en gekapte vars pietersielie by.

Wissel lae pasta en sous af in 'n oondvaste bak.

Strooi cheddarkaas bo-oor asook 'n klein bietjie peri-peri vir kleur en geur.