Melkkos

Maak frummels: Meng die droë bestanddele (koekmeel, sout en bakpoeier) saam.

Sprinkel ± ¼ koppie melk oor die meelmengsel.

Vryf met vingerpunte om frummels te vorm — dit moet fyn wees en nie groot klonte nie.

Sif die frummels deur 'n meelsif.

Belangrik: Uitgesifte meel kan ook gebruik word om frummels te maak, of gooi weg — dit vorm groot klonte in die melk!

Kook 2 liter melk in 'n groot dikboom aluminium kastrol — anders brand die melk vas of kook dit maklik oor.

Strooi die frummels geleidelik in die kookmelk terwyl jy met die ander hand met 'n draadklitser (whisk) klits.

Prut ± 15 minute tot gaar.

Skep uit in diepborde, strooi kaneelsuiker oor en stip met botter voor opdien.