Paella

Plaas garnale en seekosmengsel in aparte bakke.

Gooi kookwater oor en laat staan 'n paar minute om te ontdooi.

Gooi in aparte vergiettesse en laat goed dreineer.

Verwyder tentakels van seekat, aangesien dit moeilik koubaar is.

Verhit 'n elektriese braaipan.

Sit 'n stukkie margerien en bietjie olie in (margerien alleen brand maklik swart).

Braai garnale 'n paar minute tot net gaar — moenie oorgaar maak nie, anders word dit taai.

Plaas terug in vergiettes om oortollige olie te dreineer.

Doen dieselfde met die seekosmengsel: braai 'n paar minute en dreineer daarna.

Braai in dieselfde pan die soetrissie, uie en knoffel tot gaar en sag.

Voeg rys, borrie, tamatie en hoenderaftreksel by.

Plaas deksel op en stoom tot die rys sag is.

Roer af en toe en pasop vir aanbrand.

Voeg kookwater by indien nodig.

Pak die bevrore mossels in 'n vlak bak.

Drup suurlemoensap oor, stip met margerien en crushed garlic na smaak.

Rooster (grill) vir 'n paar minute tot gaar.

Voeg garnale, seekosmengsel en geblikte mossels by die rys en roer effens deur.

Skep uit in 'n plat opdienbak, rangskik die geroosterde mossels bo-op en bedien dadelik met 'n slaai en lekker wyn.