Pampoenkoekies

Deeg: Meng al die deegbestanddele (pampoen, koekmeel, sout, bakpoeier, eiers en suiker) saam tot 'n gladde, sagte deeg.

Skep teelepelsvol deeg in warm, vlak olie in 'n pan. Stel die stoofplaat op 4.

Druk die koekies effens plat. Sodra borreltjies op die oppervlak vorm, draai om.

Bak tot gaar en dreineer op kombuispapier. (Let wel: olie raak maklik op en koekies brand dan onder.

'n Slapperige deeg is geneig om olie te trek.

Diep olie is ook geskik indien 'poffertjies' verkies word wat self omdraai — brand ook nie maklik vas nie.)

Sous: Smelt die botter in 'n kastrol en braai die geelsuiker daarin tot gesmelt en gekarameliseer.

Voeg die kookwater by en roer. Voeg dan die warm melk by en roer tot glad.

Meng die vlapoeier, maizena en sout met 'n bietjie koue water tot 'n gladde pasta en voeg by die gekarameliseerde mengsel.

Roer oor hitte tot die sous glad en dik is.

Verwyder die kombuispapier van die koekies en gooi die sous versigtig oor.