Semelbeskuit met Eiers

Plaas alle droë bestanddele (All Bran, bruismeel, semels, suiker, sout en bakpoeier) in 'n groot mengbak.

Klits die eiers en voeg dit saam met die margerien en olie by die droë bestanddele.

Voeg die karringmelk by en meng alles goed deur mekaar.

Vorm die deeg in beskuitrolletjies en plaas in gesmeerde beskuitpanne.

Bak in 'n voorverhitte oond teen 180°C tot gaar en goudbruin.

Laat afkoel en droog dan die beskuit uit in 'n lae oond (100°C) tot heeltemal droog en krakerig.