🔑 Teken in om resepte te stoor, in te dien of te wysig
Familie-lede kan ook bestaande resepte wysig.
Semelklapperbeskuit
Bestanddele
Metode
Voorverhit die oond tot 170°C.
Smeer 2 rolkoekpanne van 30 x 40 cm.
Sif meel, bakpoeier en sout saam in 'n groot mengbak.
Voeg semels, klapper en sultanas by en meng goed.
Vryf die margerien in die droë mengsel in. (Sagter margerien vryf makliker in en hou die deeg minder styf.)
Klits karringmelk, eiers en suiker saam tot goed gemeng.
Voeg die karringmelkmengsel by die semelmengsel en roer tot alles gemeng is.
Skep die deeg in die voorbereide panne en smeer gelyk met 'n spaan.
Doop die spaan elke keer in 'n bietjie water en sny die deeg in reghoeke van 3 cm x 6 cm.
Bak die beskuit 30–45 minute tot gaar.
Laat die beskuit effens in die panne afkoel en haal dit dan een vir een op draadrakke uit.
Breek die beskuit los deur dit met 'n vurk op die snymerke te steek.
Laat die beskuit uitdroog by 80°C tot droog en bros.
LET WEL: Bak 1 pan op 'n slag, anders rou. Bak op die boonste rakkie. Bevat suiker en melk. Smeer panne eerder met wit margerien, sommige geel margerien bevat baie water veral 'n sogenaamde 'Spread'! Beskuit brand vas. I.p.v. twee 'Swiss Roll'-panne, gebruik een blokkiespan van 35 x 50 cm. Gebruik boonste gedeelte net om blokkies beskuite af te druk en verwyder dan weer (bespuit eers met kleefwerende middel). Blokkie moenie op wees tydens bakproses nie.