Vina en Meisie se Melktert

Smeerkors (Miena): Klits botter, suiker en eiers saam.

Sif die droë bestanddele by en meng goed.

Smeer die kors met die agterkant van 'n lepel in 'n pan wat met Spray & Cook bespuit is. (Anna Breytenbach se metode: Meng alles goed en smeer in die pan.)

Vulsel: Sif die koekmeel, maizena, bakpoeier en sout saam en meng met die 200 ml koue melk tot 'n dun pasta.

Verhit die 4 liter melk in 'n groot swaarboomkastrol.

Voeg die botter by en laat die melk kook, terwyl jy voortdurend roer om aanbrand te voorkom.

Roer 'n bietjie van die kookmelk by die pastamengsel en meng goed.

Voeg hierdie mengsel dan terug by die kookmelk in die kastrol en roer deurentyd.

Voeg 2 van die 3 koppies suiker by en verhit weer tot kookpunt.

Roer deurentyd tot die mengsel begin verdik.

Verwyder van die stoof.

Klits die eierwitte tot skuimerig maar nie styf nie.

Klits die eiergele liggies en voeg die orige koppie suiker by die gele.

Roer 'n bietjie van die afgekoelde melkpap by die eiergele en roer die mengsel dan terug by die melkpap in die kastrol.

Voeg die vanillageursel by. Vou die geklitste eierwitte saggies in die lou papmengsel.

Gooi die vulsel in die rou smeerbare tertkors en strooi kaneelsuiker bo-oor.

Bak by 180°C op die middelste rakkie vir 1 tot 1½ uur.

Die tert sal nog dun en loperig lyk maar stol sodra dit in die yskas afgekoel het.