Vingerbeskuitjies (Sponsbeskuitjies)

Maak seker alle kombuisgerei is skoon en vetvry, die bestanddele neutvars, en wees gereed om elke stap sorgvuldig uit te voer.

Voeg ¼ van die suiker by die eiergele tesame met die vanielje.

Roer met 'n draadklopper (nie klits nie) totdat die suiker heeltemal opgelos is en die mengsel liggeel word.

Klop die eierwitte met 'n elektriese klitser in 'n skoon, vetvry bak tot lig en skuimerig.

Daar moet geen geel by die wit wees nie.

Voeg die res van die suiker geleidelik by die eierwitte terwyl jy aanhou klits om 'n stewige meringue te vorm.

Sif die mielieblom geleidelik oor die meringue terwyl dit sorgvuldig ingevou word.

Die mengsel moenie platval nie.

Giet die eiergeelmengsel stadig in die meringuemengsel.

Roer in die rondte met 'n houtlepel terwyl die bak effens in die teenoorgestelde rigting gedraai word ná elke sirkelvormige beweging.

Sif die koekmeel oor die eiermengsel.

Roer sorgvuldig — die mengsel moet ferm bly sodat die beskuitjies hul vorm behou tydens bak.

Berei bakplate voor: Sny stroke waspapier van 10 cm breed (3 stroke op die lengte van 'n vel).

Indien waspapier nie beskikbaar is nie, smeer die bakplaat en bestrooi met meel.

Gebruik 'n versierspuit en druk beskuitjies dwars op die stroke papier uit, sowat 8 cm lank elk.

Sif versiersuiker met 'n teesiffie oor die beskuitjies.

Bak 8–10 minute in 'n oond van 180 °C tot goudkleurig.

Sodra gaar, lig die beskuitjies met 'n slaplemmes terwyl hulle nog warm is — anders sal hulle vassit en breek.

Alternatiewelik, trek die papier oor die rand van 'n pan of koekblik sodat die beskuitjies self losglip.